Covid 19 hrileng chuan ramchhung ah rehlam a pan hleithei lova, chanchin ziaklai hian Mizoram chu la him mahse, engtikahnge he hri kai hi an awm ang tih chu mitamtak ten hrehtak chung an an ngaihven mek a ni.
Sorkar laipui chuan hri vanga inkhuahkhirhna pawh a thlahdul hret hret a, hei hian, hri hi a hlauhawmlo hret hret e tih lam a kawk lova, hrikai thar an awm chhoh reng lai hian, awmze nei a ram kalphung herrem a ngaih vangin, Sorkar chuan a tihture diktak a tih a ngai a ni.
Hetiang a inthlahdul hret hret kar ah hian, mitin te hrilaka inveng tur a an pawimawh zual hunlai a intan chho mek tih hria ila, hrilak a invengturin, mipui lam tihtur te chu a hran a inhrilh ngailovin, mipangngai chuan an hriat sa vek a ni a, tlawmngaipawl leh Sorkar thupek tello pawn, hri kai hlauh vangin mitinte chu mahni a inveng theitur a ngaih theih hial in, hmalakna pawh kalpui a ni a, fimkhurna kan tlakchham hun hun hi, hri kai nan a huntha a nih miau vangin, engpawh a kan fimkhur a ngai a, mi tlemte fimkhur ringawt chuan awmzia a neihloh theih vangin, a nawlpuiin, mitin te hri kai theihna leh thehdarh theihna ka
wng ah nasa zawka an fimkhur a pawimawh takzet a ni.
Tags
Editorial