Lawngtlai DC thar chuan, hna a thawk chho mek a, a ram leilungfa a ni a, midang ai chuan a lakah District mipuite pawn beiseina an nei sang lothei lova, DC tan pawn chona lian tak, he ram tana mellung pawimawh phun ngei tur a tanlaktir tu a ni ngei ngei ang.
Tute tan pawh, han inchhui deuh hret a, ka chumi, khami han tih maitheih, DC kan nei hi kan vannei a, mamawh kan neihte kan thlen mawlh mawlh hi inthlahrunna tur a awm lovang.
Hetihrual hian, mimal hamthatna um a lo phibuai ve sek erawh tun a kan DC a awmchhung hi chuan a fuhlo zualin a rinawm a, hetiangmi hi Lawngtlai District hian a nei leh angem tih pawh hriat phak meuh loh a nih vang hian, a hunchhung na na na hi chu, kan District a siam theih nan hma han la tak tak sela, midangin min nuih chang a, rilru nathin hian, a hmangaih, a District hi a chawikang em em ang tih i ringngam ang u.
District hmasawnna tur nge kan duh a, mimal hmasawnna tiin inzawt ila, a thuin District, a tak ah chuan mimal, tiin chhang duh kan awm fur thei angem aw. Hetiang kar ah hian ram hian a takin hma a sawn mawh khawp mai.
Tuna kan DC pawh hian tawiawmtu a mamawh hunlai a ni, rilru diktak pu chung a District mipuiten kan tawiawm phawt chuan, kan mi leh sa ngei, hian a ram hi hmuhtheihin a dawmkang ngeiin a rinawm a, chutiang tithei tur chuan, District mipui te pawimawhna hi a lian viauin a hriat a ni.
Tags
Editorial