Mizote hi thlahtu atanga dikna ngaihlu a, dawtsawi hreh tak hnam ti a sawi theih a ni a, ram thangzel ah Politics a inbeihna hrang hrang hriattur a awm chamchi a, midangte chhelailet der a inpuhna thawm pawh Inthlanpui a hnaih phei chuan hriattur a tam thin viau a ni.
Politics mual ah chuan tuifimin a daih loh pawh a, a nu deuh hman mai hrehlohna te, chantha zawk chan theihna a nih dawn chuan thudik ziktluaklo behchhan mai hrehloh ang chi te a lian viau a.
Tualzal nun leh kohhran ram ah te, dikna chu dikna a nih anga hrihlhfiahna dang mamawh lo te chuan mahni sahmim tihpuar nan a pawisak nei manglo hriattur an awm tam fu in a rinawm a, hetiang mite hian an dawt sawi thup mawi nan Dawt Var tih tawngkam an hmang fo thin.
Dawt ah hian a dum emaw a var emaw a awm lova, dawt chu dawt a nihna a danglam thei hek lo. Mipakhat rau rau ah pawh landan leh nihna hrang hrang nei hreh lo, Birth Certificate leh an pian kum leh ni inanglo te kan nih nuai vang hian kawngdik zawh hi kan harsatna phah deuh em aw, a tihtheih.
Dikna lekkawh tur chuan telua a awm lova, tlemte chunga rinawmlo chu tamtham tak ah pawh rintlak a nih loh thu zirtirna dawng te hian in enfiah nawn kan mamawh in a hriat ani.
Tags
Editorial