Editorial | CHAWHMEH PEK THIN HI

 Hrivanga kan buaina hian enchennge a awh dawn a hriat lohva, mipui lam pawn an theihna zawn ah hma an lakna hi hriattur a tamin, tun anga Sorkar leh mipui tanhona tha hi a tamlo viau awm e.

        Hetianga mahni theihna zawn a hmalakna a kal mup mup lai hian, Quarantine Centre a awmte eitur atan chehmeh    lam chi thahnem tak DLTF kut ah a thlawnin pek a ni tawh a, a petuten, pek tha an tihna thinlung hi a hluin, hei aia        midang tana luanchhuahna remchang hi, a petute dinhmun a zirin a awm lo hial in a rinawm.

          Hetihlai hian Quarantine Centre a awmte chaw leh eitur dangte hi Sorkar in mimal eisiamte ta a leisak a ni a, miinphalten chawhmeh lam chi an pekkhawm hi a hlulo e, tihna lam nilovin, eisiam tuten heng chawhmeh an pekkhawm te hi an lo mamawh vek bik thin silova, a tawp ah chuan, hralhna zawng a, tlem a mantlawm deuh zawk pawh a hralhchhuah a ngaih hial chang a awm thin.

           

Chawhmeh lam chi hi a peduh chuan pekzel hi a sualna a awm miah lona a, a petute dinhmun a zirin, a chawhmeh ang zawng lo deuh a, herrem hmasak remchang te chuan, han herrem hret se, a lo dawngtu lam tan pawh tangkai zawkin hman a awlsam deuh awm mange.