Lawngtlai DC thar Dr Andrew H.Vanlaldika chuan Covid 19 chu englaipawhin kan kai thei reng tih hriain, Lawngtlai District mipuite chu mithiam ten tihtur leh tihlohtur an duante thatak a zawmturin a chah.
Dr. Andrw H.Vanlaldika hian nimin khan Lawngtlai DC mawhphurhna la tanin, Lawngtlai District MJA te thingpui a inpui a, DC chuan,Lawngtlai District mipui te chibai bukin, hripui leng mek chu kan vaia kan do tlan a ngai a, hmun thenkhat ah khauhtak in do a nihlaiin, hmun thenkhat ah kan lo inthlahdul si chuan, hrileng laka kan invenna hi awmze neilovin a chhuak thei a, mipuite chu khawlai a an chhuah vahna ah hmaituam hram hram tur leh, midang hlat thei angber a awm thin turin a chah.
Lawngtlai District MJA te chuan DC chu MJA ten Patron member atan an ruat thin thu leh, ruat a nihna lehkha leh thuziak hunmawi an hlan a, District MJA President Lalngheta Ralte chuan, Journalist te chu ram kalphung ah ban pawimawh tak Fourth Estate ti a sawi an nih thin laiin, Sorkar leh Journalist te inkar ah thawhhona tha a awm siloh chuan, ram inrelbawlna chu a kalngil lofo tih sawiin, Lawngtlai District mipui ten DC thar lak ah beiseina liantak an neih te tihhlawhtlin anih theih nan, MJA te chuan Sorkar chu englaipawh a thawhpui an inhuam thu a sawi.
He inkawmhona ah hian DC chu Addl DC Pu K.Laltlawmlova, SDO(Sadar) Pu V.Lalruatliana leh District Information & Public Relations Officer Pu C.Lalhruaitluanga ten an tawiawm a ni.
Tags
News