CYLA in Kohhran hruaitute Meeting a neihpui

Nimin khan Central YLA chuan Lawngtlai a Kohhran hrang hrang aiawhte hrileng mek chungchangah meeting a neihpui.

Central YLA Office a he Meeting hi Pu J. Sangthangpuia, President. Central YLA  chuan kaihruaiin, Pu Joseph Lalhmingthanga, Asst. General Secretary chuan  Quarantine Centre a awm mek atanga hri kai hmuh chhuah anih thu leh hrileng chungchanga hriat ngai awm te sawi a. Pu JH. Lalrindika  General Secretary chuan  kan hun tawn mek ah, NGO leh Kohhran thawhhona a pawimawh takzet thu a  sawi 

.         He Meetinga an thu ngaihtuah pawimawh zual zing ah Mitthi vui leh Inneih inkhawm a Social Distancing kenkawh chungchangah Sawrkar thuchhuak mi 20 aia tamlo punkhawm tih chu zawm zel nise, Kohhran leh Branch YLA ten chak taka hmalak chhoh zel nise an ti.

Total Lockdown chungchang ah kan boruak tawn mek enin, Total Lockdown hi a ngai dawn nia a lan thu sawilan a ni a,  Sawrkar lam thuneitute thurawn pek a, sawiho thin nise an ti  a.Quarantine Facility chungchangah Sawrkar in Covid-19 dona kawnga theihtawp a chhuah mek laiin, a tul leh mamawhna ang zelin Kohhran Hall hman tir nise, ei leh in chungchangah  a theih ang ang a Sawrkar chhawk zangkhai tura Kohhran hote inbuatsaih theuh nise, Covid-19 hrileng dona leh invenna kawnga Sawrkar tanpuina atana Sum  pawh Kohhran hminga thawh zel nise an ti bawk.

  Pu J.Sangthang puia, Central YLA President chuan Covid-19   hmachhawn zelna turah, nasa leh zuala thawhhona tha an neih chu Central YLA duh dan anih thu a sawi.