CEM COVID-19 RELIEF BUHFAI THAWNCHHUAH BELH ZEL ANI

     Lai Autonomous Disrict Council CEM Relief Fund for COVID-19 atanga lei, relief buhfai athlawna semtur thawnchhuah belh zel ani. Nimin khan buhfai hi trip-thum thawnchhuah niin, trip khat hi bag 99 ani a, hei hi Lungtian cluster-a semtur ani. Officer-in-charge Pu Malsawmtluanga Hlawnchhing, Assistant Engineer (PHE) LADC- leh a ho ten an kalpui ani

 Buhfai bag 220, motor pahnih hmanga thawnchhuah bawk chu officer-in-charge Pu C. Lawmsangzuala, Taxation Officer LADC leh a hote kalpuiin hei hi Chawngte ‘P’ cluster leh Diltlang ahte sem ani ang.

 Vawiin  hian Sangau cluster-a semchhuah tur thawnchhuah leh ani anga, hetah hian bag 339 thawnchhuah tura ruahman niin, officer –in-charge Pu Albert Lalrinzuala, Asst. Conservator of Forest LADC leh a hoten an chhuahpui leh dawn ani.

 Buhfai hi cluster tinah VLTF leh khawtlang hruaitute nena tanghovin rualkhai taka sem thin ani a, thawnchhuah anih hma in Nodal Officer for Disaster Management & Rehabilitation Pu Thathluna Chinzah SYO leh Local Administrative Officer Pu J. Zahlira ten uluk takin an enpui thin ani.