ATM pakhat chiah a hman theih

 Lawngtlai ah hian State Bank, HDFC , Apex Bank leh Canara Bank ten ATM Booth an nei a, tun dinhmun ah  Canara ATM Booth chiah hmantlak a awm avangin mipui nunphung a ti buai hle a,  

       

           Apex Bank ATM hi LADC Secretariat Complex ah awmin,  thla 4 vel khar ani tawh a, HDFC hi April thla tawp lam khan a chhia a, a part thlak ngai a awm a, State Bank ATM hi Kumin May  Ni 30 atang khan a hman theih loh a, heng ATM chhia te hi Lockdown vangin a siam tur Engineer ten harsatna an neih vangin siam maitheih a nih loh thu Bank lam chuan an sawi.

          Heng ATM pali  zinga pakhat chauh a hman theih avang hian mipui ten harsatna an tawk nasa hle a, ATM hman tum intlar pawh an thahnem thin hle, Vawiina kan Palaiin a tlawhna ah pawh Canara ATM hman tum an thahnem hle 

   

          Lawngtlai DC, Dr.Andrew H.Vanlaldika chuan hemi chungchang ah hian Bank lam hotute lo sawipui thuai a tum thu The Lawngtlai Post a hrilh.