DRDA Project Director Pi Marilyn Rualzakhumthangi'n Conference neihna tur hmun a tlawh.
March 12, 2020 (Ningani) khan Pi Marilyn Rualzakhumthangi, Project Director, DRDA, Lawngtlai chuan YLA General Conference 2020 neihna tur hmun Lawngtlai Vengpui Field tlawhin Conference inbuatsaihna enpuiin Conference tanpuina tur atana hnathawh tur a pe.
Pi Marilyn Rualzakhumthangi hi YLA Lawngtlai Vengpui Branch Office Bearers, Organising Committee O.B leh Central YLA hruaitute'n lo dawnsawngin Pandal sak chungchanga hmalak tawh dante leh Conference atana inbuatsaihna te an thlirho a. Pi Khumbawihi hian YLA General Conference inbuatsaihna leh tanpuina pakhat atan Lawngtlai Vengpui Field-a kawng (PCC) siam tur hna a pe.
YLA General Conference 2020 Lawngtlai Vengpui-in a thlen tur inbuatsaihna atana kan dilna anga tanpuina tur hna min pek avangin Pi Marilyn Rualzakhumthangi chungah lawmthu kan sawi takzet zet a ni.
Secretary
Organising Committee
YLA General Conference 2020 Lawngtlai Vengpui
Tags
News