Lawngtlai WEST Bialtu MLA Pu C. Ngunlianchunga'n Conference neihna tur hmun a tlawh.
March 10, 2020 (Thawhlehni zing) khan Pu C. Ngunlianchunga, Lawngtlai West Bialtu MLA chuan YLA General Conference 2020 neihna tur hmun Lawngtlai Vengpui Field tlawhin Conference inbuatsaihna leh tanpuina tura Lawngtlai Vengpui Field-a Pavillion sakna atan Rs.5,00,000 (Nuai nga) a pe nghal.
Lawngtlai West Bialtu MLA Pu C. Ngunlianchunga hi YLA Lawngtlai Vengpui Branch Office Bearers leh Organising Committee O.B ten lo dawnsawngin Pandal sak chungchanga hmalak tawh dante leh Conference atana inbuatsaihna te an thlirho a. YLA General Conference 2020 denchhena Lawngtlai Vengpui-a Electric Transformer dah chungchangah te pawh sawipui nghalin Department lamte pawh biaksak in hma a lak sak nghal a ni.
MLA Pu C. Ngunlianchunga chuan Lawngtlai Vengpui-in YLA General Conference 2020 an thleng tur chu lawmawm a tih thu sawiin Lawngtlai Vengpui-a piang leh seilian a nih avangin Lawngtlai Vengpui Pa a nih avang pawha Conference thlenna tur leh vengchhung hmasawnna tura theihtawp chhuah a tum thu leh a tul apianga hmalak a inhuam thu Branch YLA leh Organising Committee hruaitute a hrilh bawk a ni.
YLA General Conference 2020 Lawngtlai Vengpui-in kan thlenna tura inbuatsaihna atan tanpuina sum tam tak min pek mai bakah mamawh hrang hrangte min ngaihtuahsak tu Pu C. Ngunlianchunga, Lawngtlai West Bialtu MLA chungah YLA General Conference 2020 Organising Committee chuan lawmthu kan sawi takzet a. Lawngtlai Vengpui Pa a nih ang taka kan mamawhte min hriatsak a, Conference kan thlenna tura theihtawp min chhuahpui avangin a chungah lawmthu kan sawi takzet zet a ni.
Secretary
Organising Committee
YLA General Conference 2020 Lawngtlai Vengpui
Tags
News