Nimin khan Eklavya Model Residential School sak mek chu Lawngtlai District MJA te chuan tlawhin 75% zawhfel anih thu, he hna thawktu NECS hotute chuan an sawi.
Lawngtlai District MJA te hian an President Lalngheta Ralte ho in Chawnhu ram a Model Residential School sak mek hi tlawhin MJA te chuan District hmasawnna tura sorkar hmalakna te mipui hriat a puanzar chu an hna anih avanga sorkar hmalakna hrang hrang an en thin thu an sawi a. MJA te hi sorkar lam atanga endik tu ni lo mah ila, ram hmasawnna tura hna awm reng reng chu tha taka thawk turin MJA te chuan an duh thu nleh, thawktute chu tan la zual sauh sauh turin an ngen bawk .
Pu Lalsangzuala NECS Field Manager chuan, kal kawng that tawk loh avang leh electric lamah harsatna an neih avang ten duh angin hna hi chak taka kalpui anih theih loh thu sawiin tunah hian Electric current hi connection mumal tak a la awm loh thu leh temporary connection chauh an neih thu sawiin Generator 15 KV hmanga hna hi an kalpui avanga harsatna an tawh thu a sawi a. Tin, National Register of Citizen vangin, hnathawktu lamah harsatna an neih avanga hna a chak theih loh thu MJA hruaitute hi a lo hrilh a.
Eklavya Model Residential School Lawngtlai hi 2017 February thla atang sak tan niin tunah hian 75% zawh fel a ni tawh a. Academic season thar ah pawl 6 atang pawl 8 thleng class tan theih turin ruahmanna kalpui mek niin a hun takah sikul hi tan theih ngei beisei a ni thu thawktute hian MJA te hi an lo hrilh a ni.
Eklavya Model Residential School sak mek hi cheng 16,00,00,000 seng a sak niin tun ah hian Building 12 awm tura tih niin hemi bakah hian estimate a awm lo mipa dinning Hall chu sak belh tura tih an nih angin sak belh a ni bawk.
Tags
News