Mizoram Government Driver Association, Sub Hqrs Lawngtlai chuan Inrinni khan Annual Conference, Lawngtlai Press Club ah an hmang.
Pu C.Rochungnunga MGDA President chuan Driver hna hi mi ten hna zahawm lo ah ngai mahse, rinawm leh dik taka kan thawh chuan hna zahawm takah kan siam thei a ni, a ti a. Kan hnathawhna ah taimak chhuah ila, lirthei vuantu kan nih avangin, kan lirthei thunun thei lo khawp in awm lo ila, kan pi leh pu te tan pawh rintlak taka kan thawh chuan hna zahawm lova miten an ngaih hi zahawm takin kan siam thei a ni, ti bawk.
Hun hmanpuitu MJA Lawngtlai District Vice President Pu Elvis Lalthangzuala chuan, Sorkar Driver te chu, an motor chu Officer ten an Office pakhat atan an hman a nih vangin, thuruk vawng thei leh rinawm an nih a pawimawh thu sawiin, an incheina thlengin uluk turin a fuih.
MJA te kaihhruaina hnuai ah hruaitu thar thlan nghal a ni a, President ah Pu C.Rochungnunga, Vice President H.Lalrinpuia Secretary K.Rohlupuia, Asst.Secy C.Lalngurliana, Org. Secy Lalremkunga, Fin. Secy Lalsangliana Treasurer ah R.Lalbiaknunga te an thlang.
Tags
News