Lai Hnam Kut ropui leh ngaihlut ber, Hlukhla, ni hnih chhung hman a ni.

           Lai Hnam Kut zinga  ngaihhlut ber,  Hlukhla Kut, nihnih awh chu, nimin khan zawhfel a ni.

       Chawnhu Field a Hlukhla Kut 2020 hmanna ah hian Kut dawngtu atan Pu L. Lawmkima Executive Member. LADC, Art & Culture changtu niin, LADC a CEM Pu T.Zakunga chu Kut Pa niin,  Kut Pa chuan Hlukhla Kut chuan khawvel hmun hrang hranga Lai fate in Unauna tha zawk neih leh in pumkhatna tha zawk neih hi a tum ber ani ati a, hnam ziarang leh Culture te zahpui lovin, khawi hmunah pawh awm ila, kan chhawm nung zel tur ani a ti a,  Kut  chu  hlimhlawp atan maia buatsaih anilo tih CEM chuan sawiin, thawhhona tha zawk te, in Unauna tha zawkte kan neih zel theihna turin, Kut hmangtu zawng zawngte Hlukhla Kut hian rilru thar min pe se ka duh hle ani ati.

          Nimina kut hmanpuitu, Lawngtlai DC, Pi Shashanka Ala chuan Lai faten hnam ziarang thatak, khaw vel hmundang a mi te hmuh atan pawh chhuanawm.tak tak an nei chu humhim zui zel tur a chahin, mipuite Hlukhla chibai bukin, duhsakna a hlan a, hnam ziarang humhim chu hnam hmasawnna leh lungrualna a ni a ti.

         

Hlukhla  ah hian zaithiam te an zai bakah, hnam lam chi hrang hrang entir ani  a, Lawngtlai District pawn lam atangin MTP Cultural Troupe, Siaha leh Chin State khawpui Hakha atangin Dingdi Band te an tel bakah, rampum huap a zaithiam leh fiamthu thiam hriathlawh ten kut hi an hmanpui a.  Bru leh Pang Cultural Troupe ten hnam lam hmuhnawm tak an entir bawk.