International Women’s Day hman a ni.

  March ni 8 hi International Women's Day 2020 a ni a, Pathianni a nih vangin Lawngtlaiah chuan DAY-NULM, One Stop Centre leh Mahila Shakti Kendra te tang ho huaihawtin DC Conference Hall-ah Inrinni khan SDO (Sadar) Pu V. Lalruatliana,  hovin hman a ni.

        He hunah hian One Stop Centre (Sakhi)-a District Centre Administrator Pi J. Lalremkimi'n hmeichhe harsatna tawkte enkawl lailawkna  leh hmeichhiate dikna chanvo  chungchang powerpoint presentation hmangin a zirtir a. Mahila Shakti Kendra (MSK)-a Women Welfare Officer Pi Jeneth Vanlaldingpuii'n Beti Bachao, Beti Padhao leh Women Scheme chungchang a zirtir a. Advocate Pi Shiela Laldinpuii Hnialum chuan hmeichhiate venhimna atana dan hrang hrang  a sawi fiah a. DAY- NULM District Manager Pi Kerry V.L. Hmangaihzuali'n NULM scheme  te a sawi fiah bawk.

             International Women’s Day hmanna ah hian LWA leh MHIP atangin Branch tin  aiawh bak ah, Lawngtlai khawpui chhunga anganwadi worker leh helper-te bakah, DAY-NULM hnuaia ALF member-te an tel a ni.