Hlawhtling takin Hlukhla chu hman zawh a ni leh ta, a buaipuitute an fakawm takzet, hetiang tihpui liantham tak buatsaih hi thil namailo tak a ni a, sum leh tha, ngaihtuahna sen a ngai nasa, hneh taka Hlukhla hman a nih theihna chhan kha, a buaipuitute inpekna vang liau liau a ni.
Kut Pa CEM chuan Hlukhla chu hlimhlawp bawlna a nilo tih sawiin, Laifate inpumkhatna tha zawk a awm theih nan a buatsaih a nih thu a sawi kha, kumin Hlukhla hian thuchah a kentel pawimawh ber a ni hial in a rinawm.
Kut hi hlimna Ni a ni a, kut chhimtuten hlimtak a an hman kha a buaipuitute duhber pawh a ni a, khawilai kil ah emaw, a kildum tlem chu, mipui punkhawmna ah chuan, a zawng ngat ngat tu tan chuan hmuhtur pawh a awm ang, a dum aia a var hmuh kan thiam hi a pawimawh a, Hlukhla hi kan hmangzel dawn, inpumkhatna pawh a thlen nasa tawlh tawlh ang, a neituten kan hman thiam leh thiamloh ah, Hlukhla hi a hlut leh hlut loh a innghat a, hlimhlawpbawlna a niloh thu hi he kut kan hman zel tur ah pawh hriatreng tlak a nih a rinawm a, hlimtaka Hlukhla hman liam a ni ta kha a lawmawm takzet a ni.
Tags
Editorial