Thenkhat chuan hripui ti hial a an sawi tawh, Covid 19 chuan khawvel hmun hrang hrang a tuam mek a, thiamna a sang a, ram hrang hrangte he hri lak a inveng hian an hmanhlel a ni ber tawh.
Hetihlai hian Lawngtlai District hi, he hrileng rawn luhna kawngka a nih em loh pawn tukverh emaw, bang awng remchang nei tha tak niin a hriat a, ramdang pahnih nen a ramri thuitak intawm a nihna ah hian, Mizoram bik ah pawh District ngaihven hlawh zual tur a ngaih a ni pha maithei.
Sorkar hmalakna hi hriattur a awm chho zel a, mipui beisei ang erawh chuan a chak vut vut lem lo in a hriat a, dawhkan kil a rorel a hmalakna tur duan thawm te hriat a ni a, hmunpawimawh zual ah chuan Medical Duty Team pawh dah a nih daih tawh a rinawm.
Covid 19 hi, vei tak tak a vei a ngai a, thlamuang taka kan awm lai hian, he hri hian min luh chilh vaih chuan, ram rethei, kar hnih thum chu sawiloh, ni hnih khat tla tur pawh neilo chhungkaw tamtak kan awm si, kan ngaihtuah phakbak hian kan buai ngeiin a rinawm.
Tags
Editorial