Tunlai a hrileng, Covid 19 chuan khawvel hmun hrang hrang ah mipui a tichiai nasa in, he hri leng lak a invenna te, a enkawlna te ngawrh takin kalpui mek a ni.
Hetihlai hian Lawngtlai District ah pawh, he hrileng hi a luh loh nan hmalakna kalpui mek a ni a, ramdang nen a inrina te khar niin, chek post te siam a ni a, Sorkar chuan mipuite chiailoturin a hriattir a, a nihna tak ah chuan, chiailo tur a hriattir a ngaih chuan, chiai maina tur a awm a ni tih a chiang a, heivang tak hian, he hrileng lak a kan himtheih nan tanrual a pawimawh takzet a ni.
Hrileng laka invenna tur a mipui lam zirtirna awm ang ang te zawm hram hram a pawimawh a, kan inthlahdah luat vangin he hri hian min luhchilh thei tih hre reng ila, Sakei hliam hlauhawm tak chu insehtir kher lova, min sehlohnan a kan inven a pawimawh ai a nasa in, he hrileng in kan District a luh loh nan, tanrualna satliah nilovin, tan rualna tak tak a pawimawh a, inpuhmawh emaw, inphut chiam emaw a pawimawhberlo ang, kan thiam ang leh theih tawk ah thuneitu lam ten tihtur a mintih leh tilo tur a min tihte zawm ringawt pawh hi tanrualna thatak a ni.
Tags
Editorial