Lawngtlai District VC Assn. ten CEM leh a thawhpui te chung ah lawmthu an sawi

          Lawngtlai District Village Council Association chuan Kum 2019 a General Conference a an resolution pakhat, Lai District Area Village Council Member te, Lai      House Aizawl Bungkawn a thlenna man tih hniam a nih theihna turin LADC sawrkar ah thlen nise an tih chu, a hlawhtlinna an hmuh avangin an lawm hle.

Lawngtlai District Village Council Association hruaitute chuan Chief Executive Member Pu T.Zakunga kaihruain Lai Autonomous District Council Executive Committee ten Village Council member te hmakhua ngai a, Lai House Aizawl Bungkawn a VC member te thlenna man 40% a an tihhniam sak avangin Pu T.Zakunga CEM leh a thawhpui te chungah lawmthu an sawi a ni.

Hetiang anih avangin hian LDVCA Gen.Secretary Pu Elvis Lalthangzuala chuan, Village Council Member te April thla ral hma ngeiin Identity Card siam anih theihna tura hmalak mek anih thu sawiin, Village Council member te LDVCA Office Lawngtlai Bazar ah in report turin ngenna an siam tawh thu a sawi bawk.