Editorial | KAWNGTHA NEITURIN HMALAK A NGAI

        National Highway-54 chu PWD ten NHIDCL kut ah an hlan tawh a, NH-54 zauh na tur ah Lawngtlai khawpui chhung chu hel tum niin a hriat a, khawpui chhung kawng a chhe chho leh tan tawh a, a enkawl hna hi NHIDCL kut a awm a ni bawk si a, heihian mipui ngaihna a tibeidawng mek tih hi hmalatheitute chuan an hriat loh a rinawmloh.

PWD hotute chuan, NHIDC hian an kut ah an hlanlet a nih loh chuan an tan kut lo thlak ve ngawt a remloh thu an sawi a, heihi thudiktak a nih laiin, NHIDCL lam hi kawng laihzauh hna thawk a, kawngpui sialtur an nih si vang hian, Lawngtlai khawpui chhung kawng hi an ngaipawimawh lo mai ang tih hlauhthawnna erawh mipui lam ah a lian viau thung a ni.

        Tun thallai hi hnathawh hunchhung a ni a, thal chhung a khawpui chhung kawng thawmthat hna hi an thawh loh chuan, kawngchhia hi kan tuar rei deuh dawn a ni mai a, hetiang hi a nih vangin, thuneitu leh thiltithei tuten khawpui kawng dinhmun hi thuneitu lian zawk ah an thlen a, hma an lak hi a ngai viauin a hriat a ni.