Health Woker Training na hmun ti a hriatlar, Mizoram a Auxiliary Nurse Midwifery School pathum zing a pakhat, ANM School Lawnghtlai chuan nimin khan a tumkhat nan, zirlai thar te lukhum khumtir leh khawnvar halna ( Capping and lamp lighting) hun an hmang.
ANM School hi kum thum a upa niin, tuntum hi hetiang hun an buatsaih vawikhatna niin, District Hospital Lawngtlai a Nursing Superintendent Pi Lalrintluangi chuan zirlai thar mi 19 te chu lukhum khumtir a, lukhum an khum leh khawnvar an hal chu, damlo an enkawlna ah inpekna tak tak an neih na tur a thutiam an lakna a nih thu a sawi.
He hun a khuallian Chief Medical Officer, Dr.Lalthlamuana chuan Health Worker hna chu hna hautak, inpekna leh thawhrimna nasatak ngai a nih thu sawiin, hmunkilkhawr zawk thleng a inzarpharh an nih vangin, hriselna lam a mipui kaihruaitu tangkaitak an ni a ti.
ANM School Lawngtlai hi Mizoram a Health Worker Training School pathum awm zing ah a thar ber niin, School dang pahnih hi Aizawl a awm niin, ANM School Lawngtlai ah hian kumtin zirlai thar 20 zel tan hmun
ruak awmin, a kumhmasa a zirlai lo awm tawh nen Zirlai 40 an enkawl thin a ni.
Tags
News