PANDAL SUB-COMMITTEE MEETING NEI

November 27, 2019 (Thawhleh zan) khan V.C House Lawngtlai Vengpui-ah YLA General Conference 2020 Pandal Sub-Committee ten meeting an nei.

Meeting hi Pu Lalthangmawia Vandir, Sub-Committee Convener-in kaihruaiin Pu LP. Lalramzawnga, Secretary-in report a pe a. Meeting-ah hian Committee member an kal tha hle a, Organising Committee O.B ten an telpui bawk a ni.

Pandal Sub-Committee meeting-a thu rel zingah Pandal sak tan hun atan January 2020 thla chawhnu nise, hemi hma hian hmanrua lakkhawm nise tih a ni a, Pandal hming tur meeting lehpekah ngaihtuah tur niin, detail estimate leh drawing te O.B ten a hma lamin lo bawhzui se tih a ni bawk.

Pandal sakna atan hian Central YLA Pandal Structure awmsa (60x90) hman tur niin zauh belh a ni dawn a. Tin, Pandal sakna tur tanpuina hmasa ber atan hian Pu T. Hrangzuala, Organising Committee Adviser-in Rs.2,000 a pe bawk a ni.