Multi Modal kawng a Lei pariat dawhtur ah hmun ruk ah hna thawhmek ani

      Kaladan Multi Modal Transit Transport Project hnuai a Lawngtlai atanga chhimthlang lam hawi a, Myanmar ram pawhtur a kawngpui sial mek ah, lei (bridge) pariat dawhtur a ruahman a, lei paruk dawhhna  thawh mek a ni.

       He kawngpui, KM 87 a thui ah a lei paruk dawg mek zing ah Lunghauka Bridge chu 95% zawh tawh niin, Khawrawp Bridge,  Hmawngbu Bridge leh Bawklawk Bridge te chu 90% zawh tawh a ni a, Ngengpui Bridge chu za a 54 zawh tawh niin, Zochate Bridge chu za a  45 zawh tawh a ni.

         Lei dang pahnih dawhtur a ruahman tun a hna la tan loh Zocha Bridge chu Bridge Design, IIT, Guwahati in a la pawm felloh vang in hna hi thawh maitheih a la nilova, lei dang,  Ruankhum Bridge chu a dawhna tur hmun sawn hret a ngaih vangin, lei innghahna tur leilung enfiahmek a ni.

          Multi Modal kawngpui ti a hriatlar hi kum 2010 atanga laihtan niin, ruahmanlawk ang chuan kumthar 2020  March thla a zawhfel tur a tih niin, tun dinhmun ah hnathawhtur pumpui atanga chhutin za a 84 chuang thawh zawh a ni tawh a ni. 

          Hetihlai hian zangnadawmna la fello te chu ACB te kut a la awm niin a hriat a, a fel hun tur a la hriat loh.