Mara Autonomous District Council (MADC) thlasik thutkhawm ni khat awh chu nimin khan Siaha-ah neih a ni.
Session hi MADC Chairman Pu H. Sahlo-a’n kaihruaiin Panel of Chairman atan Pu K. Chiama leh Pu L. Khaichyu te ruat an nih thu a puang a, unstarred question chhanna dawhkana dah a nih thu a puan hnuah zawhna leh chhanna hun hman a ni a.
Hetihlai hian eptu lam MNF MDC te chuan Council sorkar chu an pawm loh thu leh tuna ziaka an neih BJP Legislature Party leader chu Pu K.Chiama a nih thu sawiin MADC sorkar chu eng sorkar nge, tunge House leader tiin an au bengchheng a. Hetiang sorkar chiang lo leh leader pawh chiang lo sorkar hi zawhna zawh tlakah pawh an ngaih loh thu leh session-ah pawh telpui tlak nia an ngaih loh thu sawiin House an chhuahsan a ni.
Tags
News