Nimin khan Lawngtlai District-a HIV leh syphilis (saihri) dona beihpui thlak tur chu Lawngtlai CMO Conference Hall-ah DC, Pi Shasanka Ala, chuan hawngin, HIV test-na hmanrua vawn thatna tur mini fridge chu sub-centre pathum hnenah a hlan nghal.
Pi Shashanka Ala chuan HIV leh syphilis do beihpui thlak chu a hlawhtlin ngei theih nan thawktu te chu thahnem ngai taka thawk turin a chah a. A bik takin, health worker-te leh ASHA te chu a hmuna thawktu an nih avangin mawh an phur thuk hle tih hre turin a chah. HIV leh syphilis do turin hmanraw awm thei zawng zawng hman vek a tul thu sawiin, damdawi hman sual leh natna darh zel tur ven kawngah theih tawp chhuahin, mipui a tam thei ang berin thisen an test theih nan leh HIV hrik pai saa nau piang an awm lohna tura hma lak te chu ngaih pawimawh zual ni se a duh thu a sawi.
Mizoram State AIDS Control Society, Health Department leh World Vision India te tang kawp chuan Lawngtlai District-a khaw 35-ah HIV & Syphilis campaign hi an kalpui dawn a. He campaign-ah hian mipuite HIV laka an him theihna tura he natna chungchang zirtir bakah, HIV test te, a vei an lo awm chuan enkawlna an dawn ngei theihna tura hma lak te a tel a. Lawngtlai District huam chhunga nu nau pai zawng zawngte HIV leh Syphilis test laktir a, a vei an lo awm a nih chuan an fate an kai chhawn lohna tura enkawl leh hma lak te a huam tel bawk.
Lawngtlai District huam chhunga HIV darh zel tur ven leh a vei mekte'n enkawlna tha an hmuh theih nana chak zawka hma lak a nih theih nan District Bawrhsap Pi Shasanka Ala chuan HIV test-na hmanruate tha taka vawnna tur mini fridge leh voltage stabilizer 10 chu District chhunga sub-centre thlan chhuah 10-a dah turin a pe a. He'ng zinga pathum - Khawmawi, Mampui leh Paithar Sub-Centre te chu hlan nghal an ni.
HIV leh syphilis darh zel lohna tur hian District AIDS Nodal Officer kaihhruaina hnuaiah World Vision India, Mobile ICTC, AHANA leh ART Team te'n beihpui an thlak tan mek a. Khaw 5-ah beihpui thlak tawhin, HIV chungchang zirtirna hrang hrang an pe a, mi 95 thisen an test tawh atangin HIV hrik pai erawh hmuh chhuah an la ni lo.
Pi Shashanka Ala chuan HIV leh syphilis do beihpui thlak chu a hlawhtlin ngei theih nan thawktu te chu thahnem ngai taka thawk turin a chah a. A bik takin, health worker-te leh ASHA te chu a hmuna thawktu an nih avangin mawh an phur thuk hle tih hre turin a chah. HIV leh syphilis do turin hmanraw awm thei zawng zawng hman vek a tul thu sawiin, damdawi hman sual leh natna darh zel tur ven kawngah theih tawp chhuahin, mipui a tam thei ang berin thisen an test theih nan leh HIV hrik pai saa nau piang an awm lohna tura hma lak te chu ngaih pawimawh zual ni se a duh thu a sawi.
Mizoram State AIDS Control Society, Health Department leh World Vision India te tang kawp chuan Lawngtlai District-a khaw 35-ah HIV & Syphilis campaign hi an kalpui dawn a. He campaign-ah hian mipuite HIV laka an him theihna tura he natna chungchang zirtir bakah, HIV test te, a vei an lo awm chuan enkawlna an dawn ngei theihna tura hma lak te a tel a. Lawngtlai District huam chhunga nu nau pai zawng zawngte HIV leh Syphilis test laktir a, a vei an lo awm a nih chuan an fate an kai chhawn lohna tura enkawl leh hma lak te a huam tel bawk.Lawngtlai District huam chhunga HIV darh zel tur ven leh a vei mekte'n enkawlna tha an hmuh theih nana chak zawka hma lak a nih theih nan District Bawrhsap Pi Shasanka Ala chuan HIV test-na hmanruate tha taka vawnna tur mini fridge leh voltage stabilizer 10 chu District chhunga sub-centre thlan chhuah 10-a dah turin a pe a. He'ng zinga pathum - Khawmawi, Mampui leh Paithar Sub-Centre te chu hlan nghal an ni.
HIV leh syphilis darh zel lohna tur hian District AIDS Nodal Officer kaihhruaina hnuaiah World Vision India, Mobile ICTC, AHANA leh ART Team te'n beihpui an thlak tan mek a. Khaw 5-ah beihpui thlak tawhin, HIV chungchang zirtirna hrang hrang an pe a, mi 95 thisen an test tawh atangin HIV hrik pai erawh hmuh chhuah an la ni lo.
Tags
News