Kumtinin hunpui, Krismas leh kumthar, boruak nuam leh muanawm taka hman a nihtheih nan, Sorkar leh Tlawmngaipawl ten ruahmanna siamin, ngawrh takin hma an la thin a, boruak duhawmlo thleng thei lak ah pawh himna a thlen in, hunpui chu nuamtakin hman a ni thin.
Krismas thlen na atan thla khat hun a la awm a, kumin ah pawh kumdang ang bawkin, boruak nuam tak hnuai ah mipuiten Krismas an lawm theih nan ruahmanna siam a ni leh ngei tur ah ngai ila, kumtin a khap thin, ruihhlo, halpuah lam chi leh midang tana pawithei naupang lawm te chu, sumdawng ten an lakkhawm hunlai a ni chho tawh a, hetihlai hian khapna order hi tihchhuah a la nih loh chuan thupek chhuahtheitu lam an hmanhmawh deuh a ngaiin a rinawm a, khap a nih har hian, a laluttur ten engemawzat an lo lalut hman thin hian, dan palzut a zawrhchhuah a awm tam phahin a hriat a ni.
Thilchiangtak pakhat chu, YLA an duty loh chuan boruak a muanawmloh tih hi a ni. Kumin ah pawh YLA chu mipui innghahna tur a nilo theilo, zankhawvawt hnuai ah rimtakin an duty leh dawn, an thatichak turin, Sorkar lam pawh a inhuam deuh a tul a, mipui lam pawh YLA laka inphalzau deuh a tha viauin a rinawm.
Tags
Editorial