YLA Day chu hlawk takin hman zawh a ni leh ta, nimin YLA Day a YLA Member ten midang tana thiltha an tih zozaite kha a hlu takzet a, Day denchhen a an hmalakna piahlam ah, nimin aia nasa zawk a, midang tana an thawhchhuah hi chhiarsen chi a nilova, a hlutna hi tehkhawng hmanga tehchi a nilovang.Huhonun ah inkaihhruaina leh inpeizawn tlanna tha atangin, khawtlang leh ram nuam a awm thin. Helam hawi a YLA thawhhlawk zia hian enkhum a hlawh lek lek thin, Environment humhalh, Nungcha leh ramngaw humhalh, nundanmawi inzirtir leh kawng tamtak a langsar lutuklo thleng a an hmalakna hian rahtha a chhuahin, a chhuah deuh deuh ang.
YLA hi pawl zahawm tak a nihna hi hruaitute ah innghat ngawr ngawr a ni hauhlova, member tinte ah he pawl zahawmna hi a innghat tlat a ni tih a langchhuakfo te hi a hlu a, hengte vang hi a nih ngei ang, khawtlang leh ram a ti mawi a, YLA hi kan mawina a ni ti hiala chhal ngam a ni hi.
YLA member te tho hi khawtlang leh ram tana rahbi titleutu an nithei tih erawh hriatnawnfo a tul a, he thawmhnaw mawitak, hnam in a hakmek hi, a tibaltu nilova, bawlhhlawh a lo kai deuh a nih pawh a thianfaitu ni a, a baltur veng tu a tan hi member te tihtur pawimawh tak niin a hriat a ni.
Tags
Editorial