Wednesday, August 7, 2013

Thla 3 chhungin Lawngtlai District ah Malaria vanga thi an awmlo

Nimin khan Lawngtlai DC Conference Hall ah District Health Society chu an Chairman Pu J.Hmingthanmawia DC ho in an thukhawm a, kumin 2013, April atanga June thla thleng a National Rural Health Mission hnuaia hmalakna hrang hrang te an thlir ho. Thlathum chhung report a       tarlan a nih dan in Malaria vanga thi Lawngtlai District ah an awm lova, Malaria PF vei 369 leh PV vei 17 hmuhchhuah a ni. TB vei mi 25 hmuhchhuah thar niin, he natna vanga thi April 2013 atanga
June 2013 inkar ah an awmlo. Phar natna vei 12 hmuhchhuah niin, hengmite hi damdawi nen enkawl nghal an ni a, an vai hian Chawngte Area a khawsa an ni. Lawngtlai DC Pu J.Hmingthanmawia chuan hriselna lama hmalakna kalpui mek chu chak zawka kalpui a nihtheih nan nasa zawka hmalak tul a tih thu a sawi a, Health Department lam a thawktu indaih lohna pawh sutkian a nihtheih nan theihtawpchhuah a hmalak a nihtur thu Meeting ah hian a sawi.

No comments:

Post a Comment