Monday, August 5, 2013

Doctor sawnna ORDER sut turin Central YLA in Sorkar a ngen

August 2 khan Central YLA hruaitute chuan District Hospital Lawngtlai a thawk Dr.Lalrinfela Lungleia Sawn chhuah chungchangah Chief Medical Officer an hmu.Central Young Lai Association hruaitute chuan Lawngtlai District Hospitala Doctor dinhmun zawt fiahin, tun dinhminah Lawngtlai District Hospital ah hian Damlo enkawltu bik Doctor pahnih chauh awmin,a bak chu Administrative Staff leh Ayush    Doctor te an nih thu Dr.HC.Thangkima, Chief Medical Officer chuan alo hrilh a,Medical Superintendent
pawh hun reitak an nei tawh lo a,tunah hian Doctor pakhat chu Medical Superintendent mawhphurhna pek anih thu a sawi.Hetih lai hian Lawngtlai a Doctor Lalrinfela chu Lunglei lamah sawn ani a,hetiang taka doctor indaih lohna kara a awmsa sawnchhuah ani chu CYLA chuan tha atilo hle a,sawrkar chuan  a Order tihchhuah tawh chu sut leh hram turin an ngen a,ngenna lehkha hi State Sawrkar lamah pawh  an thehluh tawh .Hei mai bakah hian Bungtlang South PHC a Doctor Richard Lalrinawma Ralte chu sawnchhuah niin, a aiawh tur dah ani lo chu pawi an ti hle a,Bungtlang south Area hi Malaria tamna hmun ani a,Dictor an neih loh chuan a area khua 40 vel ten harsatna namen lo an tawk thei ani tih CMO hnenah hian an thlen bawk a, heng hmuna Doctor te hi sawnchhuah luih an nih chuan a tawp thlenga hmalak an tum thu an sawi a,CYLA te hian August 2 tlailam khan NGO pawl hrang hrangte chu Meeting neihpuiin,Doctor sawnchhuah annnih lohna tura theihtawpa hmala zel tura an tantlan tur te an sawiho.

No comments:

Post a Comment