Thursday, August 8, 2013

CEM in District Research Officer’s Office a hawng


Nimin August.7 chawhnu khan Lawngtlai ah District Research Officer's Office, Pu C.Ngunlianchunga LADC a Chief Executive Member in a hawng.Hawnna inkhawm Pu Saihlira,Director Economics & Statistic Department kaihhruai ah DRO District Office thar hawngtu Pu C.Ngunlianchunga chuan State sorkar duhsakna Lawngtlai District in a dawng nasa tih sawiin lawmthu a sawi a, Lawngtlai District chu District hnufual a nih vangin Birth Certificate lak ringawt pawh a bikin District khawthlang lam a
chengte tan phei chuan a harsa hle thin tih a sawi a, Lawngtlai Dis in ama puala DRO Office a nei ta chu hmasawnna chhinchhiah tlak tak a ni a ti a, Economics & Statistic lam te chu puih an ngaihna apiang ah LADC chu englaipawhin a inhawng reng tih CEM hian a sawilang tel bawk.Economics & Statistics Department in ram leh building an la neih loh vangin  Lawngtlai District Research Officer's Office atan Lawngtlai Electric Veng a Pu H.Chalhranga Building chu luah a ni. District Research Officer atan Pu H. Biakchhunga dah niin vawiin atang hian Office hna an tan nghal dawn a ni.

No comments:

Post a Comment