Tuesday, June 11, 2013

Ministry of Road Transport & Highway a Addl.Director General lo kal.

Ministry of Road Transport & Highway a Additional Director General SN Das chuan niminpiah leh nimin khan Kaladan Multi Modal Transit Transport Project hnuaia kawngpui laih mek a hmun ah a en.He kawngpui laihhna thawktu RDS Company leh ARSS Infrastructurer Limited ten kawngpui an laihmek ah lei thawl lai a tam vanga leimin a nasat vangin kawngpui laih mek chu a hmun ah enturin Ministry of Road Transport & Highway lam an ngen angin Additional Director General hian helai kawngpui hi a en a, Lawngtlai a panna kawng ah
National Highway 54  zawhin kawng dinhmun a ennghal bawk. Additional Director General hi P.Halder Chief Engineer Ministry of Road Transport & Highway bak ah Regional Officer Sudip Chaudhury ten tawiawmin  Aizawl atangin John Rammawia Chief Engineer Highway in a rawn tawiawm bawk. Myanmar ram pawh tur a kawngpui laihmek hi  tun dinhmun ah Formation Cutting KM 58.92 zawh tawh niin, KM 19.2 a thui ah Lung phah chhuah tawh a ni bawk. Additional Director General hian nimin Pathianni khan Lawngtlai khawbul a kawngpui laihmek te a tlawh a, nimin khan Lawngtlai atanga KM 50 a hla Ngengpui lui thleng in a kalleh. SN Das hi Central Young Lai Association te chuan nimin tlai khan Tourist Lodge ah hmuin Lawngtlai Panna kawng leh khawpui chhung kawng te siamthat thuai a nihtheih nan hmalakna chak zawk a kalpui turin an ngen bak ah Multi Modal kawngpui laihmek pawh chaktaka thawh a nihtheih nan hma la turin an lo ngen bawk. Additional Director General hian nimin tlai khan Lawngtlai chhuahsanin Lunglei a pan a, vawiin hian ruahmanlawk ang chuan Aizawl alut ang.

No comments:

Post a Comment