Nimin khan Lawngtlai atanga KM 130 vel a hla Lawngtlai District khawthlang lam Parva Road a awm Nghalimlui ah kangmei chhuak vangin In 17 bungrua chuh hman lovin a kangral a, In dang pathum a bungrua te chu chuh hman nimahse, kangmei hian bungrua senghawi te chu a kang tho a ni. Kangmei tuarte chhawmdawl nan hian Lawngtlai DC Pu B.Lalhmingthanga chuan Rs.2500/- theuh a hlan bak ah Buhfai Quintal khat theuh tanpuina hmasa atan a pe a, chhawmdawlna hna thawktu te thingpuilum nan Rs.10000/- a pe bawk. Kangtuarte a tul anga tanpuia thlamuan turin Bungtlang South BDO Marilyn Rualzakhumthangi chuan Nghalimlui khua hi a pan nghal. Nghalimlui hi In 150 vel awmna niin kangmei chhuah chhan hi, In bul a leilet zawl a thlai chinna tur hnim thenfai Hmeithai pakhat in ahal atanga meisi leng vang ni a sawi a ni. Kang tuarte hi LADC CEM chuan Rs.2000/- theuh leh Buhfai Kg.50 theuh a pek bak ah Chhungkaw pathum an bungrua kangral te chu Rs.1000/- theuh a pe a, LADC a Executive Member LAD Changtu Pu T.Lalbiakmuana chu kangmnei chhuahna khua hi a tlawh nghal dawn. Kangtuarte tanpui tur hian a chhehvel khua Vaseikai leh M.Kawngpui atangin mithahnem tak Nghalimlui ah hian an kalnghal.