MJA ten Ngengpui Wildlife Sunctuary an tlawh

Thawhtanni khan Lawngtlai District MJA te chuan Ngengpui Wildlife Sanctuary 110Sq.Km a zau chu tlawhin, Pu K.Hramzama Range Officer, Chhimtuipui Wildlife Division chuan a kaihruai a ni.Ngengpui Wildlife Sanctuary hi Mizoram Sanctuary zau pawl tak a ni. He Sanctuary ah hian Mizoram a nungcha awm zen zen lo a awm nual a. He Sunctuary enkawltuten an sawidanin,Sanctuary chhungah hian Sai-8, Samang, Sazuk, Sanghal, Saza, Sakei-1,Keite leh Sele te tunah hian an awm bawk a. Tin, heng bakah hian Sava chi hrang hrangte pawh a awm nual bawk a ni. Nikum 2012 khan Ngengpui Sanctuary ram chhungah hian Sai pakhat chu kah hlum a ni a. A kap hlum tu hi , man a nih theihna turin Police lamin theihtawp an chhuak mek a ni. Sanctuary humhalh anih theihna tur hian sorkar lam pawhin nasa tak in hma a la thin a. Eco Development hmangin Sanctuary hnai a awm mipuite hnenah Vawk leh Ar vulh tanpuina te leh Gas te an sem thin a ni. Nimahsela, heti chung hian mipuite’n ramngaw leh ramsa hlutna hre lova, sa kah leh thing kih hi an la ching an la awm tih Forest lam a thawk te chuan an sawi a. Ramngaw, nungcha leh ramsa humhalhna chang an hriat theihna turin sorkar chuan theihtawp chhuah in Awarness a pe bawk thin a ni. Kangmei lakah a him theihna turin nasa takin hmalakna kalpui mek a ni a. Sanctuary hmun hrang hrangah kangmei laka a him theihna turin camp an neih tur thu R.O hian a sawi a ni. Sanctuary hmun zau tak enkawl tur hian Staff an indaih lo hle a, tunah hian Field a chhawr theih mi pakua chauh an neih avanga Sanctuary venhim kawngah harsatna tam tak an tawk mek a ni. Tin,Ngengpui Sanctuary tlawhtu te hmuh theih tur in Interpretation Centre pawh siam a ni bawk.

The Lawngtlai Post

Lalngheta Ralte (Ma-Ngheta) Electric Veng, Lawngtlai , Lawngtlai Dist. Phone: 9862843773 e-mail:lalnghetaralte@gmail.com

Post a Comment

Previous Post Next Post