Kuthnathawktute Ni, YLA Hall ah hman a ni. NLUP titha te hnen ah Chawimawina Minister in a hlan.

Nimin khanYLA,            Hall, Lawngtlai ah Kuthnathawktute Ni hman a ni.Kuthnathawktute Ni Lawngtlai a hmanna hi Lawngtlai DC, Pu B.Lalhmingthanga’n kaihruaiin, he hun a khuallian Pu Nihar Kanti Chakma, Minister of State chuan Sorkar chuan kuthnathawktute dinhmun chawikan chu a ngaipawimawh takzet a, NLUP hnuai a hmalakna pawh chaktak a kalpui a ni a ti a, Sorkar lam in theihtawp chhuah mahse, NLUP dawngtu lam ten tihtak tak nen hna an thawh loh chuan awmzia a nei dawn chuang lo a ni a ti a,
NLUP hi diktaka kalpui a nih chuan Mizoram a kuthnathawktute tan innghahna tham, intodelh tur a bultanna tham a tling a ni a ti. Khuallian hian Lawngtlai District chhung a NLUP dawngtu titha thlanchhuah pathumte hnen ah chawimawina thuziak leh pawisa fai a hlan nghal bawk. Lawngtlai District chhung a NLUP dawngtu titha ber ah Tuikhurlui khua a mi WRC-I thlangtu Ratna Kumar thjlan a ni a, Pawisafai Rs.75000/- leh chawimawina thuziak a dawng a, Pahnihna chuH.Sanglianzama Chawnhu khua Carpentry thlangtu niin Pawisa fai Rs.50000/- leh thuziak hlan niin, Pathumna chu LawngtlaI  Chandmary aveng a mi Vawkvulh thlangtu R.Rokhuma niin, Rs.30000/- leh thuziak hlan a ni. Kuthnathawktute Ni Lawngtlai a hmanna ah hian Khualzahawm pahnih,Pu. Nirupam Chakma, MLA leh LADC a Chief Executive Member Pu C.Ngunlianchunga te pawhin thusawiin, tihtakzet a hnathawktuten hlawhtlinna an neih thin thu te, Kuthnathawktute chu sorkar in a ngaihsak that thu an sawi.

The Lawngtlai Post

Lalngheta Ralte (Ma-Ngheta) Electric Veng, Lawngtlai , Lawngtlai Dist. Phone: 9862843773 e-mail:lalnghetaralte@gmail.com

Post a Comment

Previous Post Next Post