HDFC Bank, Lawngtlai Branch, Lawngtlai DC Pu Hmingtea’n nimin khan a hawng.

Nimin Jan.16 khan  Lawngtlai DC Pu B.Lalhmingthana'n HDFC Bank, Lawngtlai  Branch thar a hawng.HDFC Bank thar hawnna inkhawm, Pu John Jongte, Chief Manager, HDFC Bank Mizoram chuan kaihruaiin, he hun a khuallian Lawngtlai DC Pu B.Lalhmingthanga chuan Ribbon chepchat a Bank thar a hawn bak ah Bank thar hawnna puala a Cake siam a zai a, thusawiin Pu Hmingtea chuan Mizo mipui ten Bank kan ngaihdan chu zawi zawiin a inherdanglam chho hret hret a,
mi tamtak chuan Bank chu mipuite tan a awlsamna thlentu niloin, harsatna siamtu ang zawng a ngaihna an la neih tih sawiin, Bank chu loan pechhuaktu ang zawng chauh a ngaitu pawh an la awm nual tih a sawi a, Bank te chuan mipuite tan awlsamna hrang hrang an siam bak ah a nihna anga chhawr tangkai a nih chuan manganlaia tanpuitu tha tak a ni thei a ni a ti a, Lawngtlai ah Bank rintlak tak HDFC Bank thar hawn a ni ta chu sorkar leh mipui ten tangkaitaka an chhawr ngei a beisei thu a sawi. HDFC Bank hi kum 2010 atang khan Mizoram ah hawn tan niin, Nimin a HDFC Branch thar hawn tak nen hian he Bank hian Mizoram ah Branch pasarih an nei mek a ni. Bank thar hawnna ah hian Lai Autonomous District Council a Vice Chairman, Planning & Development, Pu Hmun-Hre pawhin thu a sawi.

The Lawngtlai Post

Lalngheta Ralte (Ma-Ngheta) Electric Veng, Lawngtlai , Lawngtlai Dist. Phone: 9862843773 e-mail:lalnghetaralte@gmail.com

Post a Comment

Previous Post Next Post