MZP general Hqrs. Aizawl chuan nimin khan thuchhuah siamin Zirtirtu khairuallo siamthat an duh thu an tarlang a, Education Minister in World Class Education Mizoram a siam tum a nih thu a sawi chu tun dinhmun ah chuan theihhrihloh a an ngaih thu an an tarlang a, an thuchhuah ah chuan MZP rorelna sang Federal Council Sitting in zirtirtu rualkhai zawka an awm theih nan chak taka hmalak chhunzawm ni rawh se’, ti a a lo rel tawh angin MZP chuan hma a la mek a.Tunlaia MZP Headquaters Serchhip, MZP Headquaters Mamit leh MZP Headquaters Champhai ten an area chhunga zirtirtu indaihlo chungchanga hma an lak mekna chu MZP General Hqrs, Aizawl chuan tha a ti a. Hetianga hmalak a ngai ta mai hi MZP General Hqrs chuan pawi a tiin, an harsatna hi chinfel a nih theih nan theihtawpin hma a la zel dawn a. Sorkar enkawl School ah zirtirtu rualkhai zawka an awm theih nan Mizoram sorkar chu theihtawp chhuah turin MZP General Hqrs chuan a ngen takzet a .Hetih lai hian Education Minister Pu Lalsawta’n World Class Education siam a tum chu tuna kan ram zirna kaldan enin a theih loh a ni tih a chiang a. A thusawi hmang ngeia beih let a tawh atang leh tuna kan harsatna en hian kan ram hruaitute hian an tawngkam fimkhur tawh se, thil tih theih loh chiangsa tih tum ai chuan tuna kan ram inrelbawl dan mila a tha thei ang bera hnathawh tum mai hi a finthlak zawkin MZP General Headquarters chuan a ngai a ni, tiin an thuchhhuah ah an tarlang.