Pu HC.Ramlinga ( Paling-a) Pu HC. Althanga (L) Fapa Kum 43 mi chu August Ni 16.2012 atang khan a awmna chin hriat ani lo a, chhungkhat te chuan a bo atang hian an lo zawng tawh a,a awmna veng Lawngtlai -III khawtlang pawhin zawn chhun zawmin,theih ang angin Lawngtlai leh a chheh vel khua ah te information pek darh ani a,Nizan August Ni 21 Tlai Dar 5:30 vel khan Lawngtlai khawdai mai a awm Thingzai lui ah Lalzuia,Lawngtlai Vengpui ami Chakai meichher chhit tur a kal chuan Pu Paling-a ruang hi a hmu ta ani. Pu Paling-a hi Lengkir ft 50 vela sang,atanga tla ni a rin niin,lengkir tawp ah hian a bawkkhup zawnga lo awmin,a taksa chu tuiah alo inchiah niin a hmu tu chuan a sawi a,Paling-a ringruh hi a tliak a,a malpui dinglam ruh a tliak bawk a,a chalah thui vaklo a kak bawk niin a hmutu te hian kan palai an hrilh a,a ruang hi Lawngtlai Police ten la in,Nizan khan Lawngtlai-III a a chennaah tlai varpui ani a,Vawiin hian a ruang Post Mortem anih hnuah an khua Sangau lam panpui ani.A thihchhan hi chiang taka hriat ni lo mahse, lengkir atanga tla anih an ring ber a,Pu Paling-a hi Lawngtlai -III ah hian amaha khawsa ani.