Lawngtlai khawpui chhunga chhiatrupna thlen awlsamna tur a ngaih Veng pali a Chanchhuahna hna thawktur a din Team te tan nimin khan Training buatsaih a ni.He Training hi Lawngtlai District Disaster management Authority buatsaih niin, a hawnna inkhawm DC Conference Hall ah neih chu H.Lalrammuana SDC in kaihruaiin, Training hawngtu Pu B.Lalhmingthanga, District Disaster Management Authority a Chairman chuan, chhiatna thlen duhna tur hmun a ngaih Lawngtlai tan, chhiatrupna a lo thlen palh a chetlak dan tur zirna neihtheih a ni chu lawmawm a tih thu sawiin, chhiatna a lo thlenin sorkar atangin pawisa engzat nge tanpuina awmthei tih chuan ngaihven a hlawh chho mek a, hetiang zawng a tanpuina pek chhuah ringawt hi sorkar in a tum a nilo a, chhiatna a lo thlenin, a tuartute chu engtianginnge chhanchhuah an nih anga, an nunna thlengin engtianginnge venhimsak an nih ang tih te, chhiatrupna lo thleng palh thei lak a inven dan leh chhiatna a lo thlen a mipuiten awmdan an thiam theih nan a zirtirna inpek chu sorkar in a ngaipawimawh hle a ni a ti. State Project Officer Dominic Lalhmangaiha chuan Disaster Management chungchang a sawrkar hmalakna kalpuimek te a sawifiah a, hemi hnu hian Search an Rescue Team te hnen a mithiam ten zirtirna pein, a takin entir nghal zel a ni.Training hi vawiin ah First Aid Team te tan neih leh a ni ang. Training ah hian Bazar, L-III, Electric Veng leh Council Veng a Search & Rescue Team te an tel.