Lawngtlai leh Saiha District tan ni hnih awh tur District Level Science Exhibition-Inspire Award 2012 chu nimin khan Lawngtlai a Goverment Region Higher Secondary School ah neih tan a ni He Science Exhibition hi Ministry of Science & Technology, SCERT leh District Education Office tangkawpte buatsaih niin, LADC a Chief Executive Member Pu C.Ngunlianchunga'n hawngin, Lawngtlai District ah Higher Secondary School ah Science zirna chu sawrkar lam chuan theihtawp chhuah in a nawr mek a, hetihrual hian Lairam Isua Krista Baptist Kohhran Assembly chuan Science Zirna tur Higher Secondary School din tumin hma a la mek bawk a ni a ti a, khawvel chu Science thiamna tello in a kal thei lova, Exhibition chuan Zirlai te chu Science thiamna lam ah tuina nasa zawk petheithei se a duh tih sawiin, Science hian thil ropui tak tak, khawl lianpuipui siamchhuah ngawt hi a tum a nilova, mahni banphak tawk ah inzir a, he thiamna haichhuak tur a tanlak hi a tul a ni a ti. Saiha leh Lawngtlai District a Middle School chin chunglam tan a District Level Science Exhibition-Inspire Award 2012 neih mek ah hian District pahnih atangin School 61 a zirlai 125 ten Science thiamna hmanga thil siamchhuah te an phochhuak a ni. He Exhibition hi vawiin ah chhunzawm in, chawhnu lam ah khar a ni ang.