Nimin Pathianni khan BCM chuan Missionary tirchhuah runpui, hmun hran hran ah an nei Missionary tirhchhuahna hun hi Lawngtlai ah chuan BCM Lawngtlai Bazar Biak In ah neih niin Missionary tan a BCM in a lak mipathum Malsawmsangi Hnialum,BCM nazareth, Vathuampui a thawktur, K.Lalnunmawii,BCM M.Kawngpui an khua M.Kawnpuia thawktur leh H.C.Lalramhnema BCM Cheural, Arunachal Pradesh Far East a thawktur te chu BCM aiawhin Rev.Dr.K.Lalrinthanga AGS i/c Mission BCM chuan Missionary atan a tirchhuak. Missionary tirhchhuah inkhawm ah hian Executive Secretary Lawngtlai Area, Rev. C.Lalbiaksanga’n Pathian thuchhah sawiin Missionary te tan an awmna hmun a mite ngainat zawng a awmthiam a pawimawh thu leh Missionary te chu Pathian thuchah kenga, ringlotute Krista bul a hruaitu an nih vangin kohhran mipuite pawhin kawng engkim ah kan tanpui thiam a tul a ni a ti. Nimin a Lawngtlai Bazar BCM Biak In a Missionary Pathum tirhchhuah tak te nen hian Missionary 18 nimin khan BCM chuan an tirchhuak.