LSA Gen. Hqrs. Lawngtlai hruaitute chuan nimin khan ramchhung hmun thenkhat a Hmarchhak mite chung a hleilenna thleng thei laka hmala turin Prime Minister hnen ah ngenna an siam.Prime Minister hnen a, hmala tur a an ngenna lehkha hi Lawngtlai DC Pu Hmingtea kut a hlanin, DC chuan lo thawn chhawng dawn a ni. LSA te chuan ramchhung hmun thenkhat ah Assam a buaina vang a hmar chhak mite ralti taka an awm chu tha an tih loh thu leh, heng mite harsatna chinfel thuai a nih theih nan Prime Minister chu ngenin, an lehkha copy hi Union Home Minister bak ah mipawimawh thahnem tak te a copy an pe bawk a ni. Hetihlai hian Lawngtlai DC chuan Lawngtlai a Tlawmngaipawl zawng zawng leh Village Council te chu boruak muanawm a awm theih nan a hmala tur a sawmin, lehkha a pe vek tawh a, vawiin hian Lawngtlai a Tlawmngaipawl, Sakhaw hrang hrang hruaitu leh VC te nen hemichungchang ah hian inkawmhona Lawngtlai DC chuan buatsaih a tum bawk a ni.