SSA Mission Lawngtlai District hnuaia thawktu hrang hrang te Document(Marksheet,Certifcate) Lai Students'Ássociation General Headquarters;Lawngtlai in endik chu SSA Mission State Project Director(SPD) in an hnenah thehlut turin leh Diklo taka hnathawk mek te chu Ban anni ang tiin a sawi a ni.
Lai Students'Association General Headquarters;Lawngtlai chuan hun engemaw chen atang khan SSA Mission Lawngtlai District hnuaia thawktu hrang hrang te zingah Qualification in a phut ang thiamna neilo leh Certifcate lem(Fake Document) hmanga hnathawk an awm ngei niin a hria a, hemi avang hian Document lem hmanga hnathawk mekte hi a chhui ta ani tih LSA General Secretary Pu K.Thansiama chuan a sawi.
Tin,LSA General Secretary Pu K.Thansiama chuan Ram leh hnam hmasawnna tura kailawm pawimawh ber te zinga mi chu Zirna hi a ni a, chuvangin Qualified loten Zirlaite an zirtir chuan Zirna in a tuar thei ani ati bawk a, Qualified lo leh Certifcate lem hmanga hnathawk mekte pawh hi Sawrkar in alo ban anih pawhin Politic a inchirtheh nan tuman hmang lo se LSA chuan a duh thu a sawi bawk a, siamthat hna thawk theuh zawk turin a ngen nghal a ni.
SSA Mission Lawngtlai District hian an hnuaia thawktu te an Document hrang hrang an Office ah thehlut turin a hriattir a, tun hun thlenga Document la thehlut lote hi LSA chuan Certifcate neilo ah angai bawk dawn a, heng mite pawh hi Sawrkar in a chhui ngei an beisei a ni.
LSA General Headquarters;Lawngtlai General Secretary Pu K.Thansiama chuan LADC ah Zirlaite tan Tour buatsaih sak ve tura annngen an thlen thu a sawi a, Session neih zawh tak ah Budget ah dah anih ve lo chu pawi anti a, hetih lai hian CEM Pu C.Ngunlianchunga hnena Zirlaite tan a Tour buatsaih sak tura dilna an thlen chu CEM zahawm tak hian a tihhlawhtlin ngei an beisei thu a sawi bawk a ni.
sd/-
Lalrofawna Fanai
Secretary
Information & Publicity Lai Students'Association
General Headquarters
Lawngtlai