Lawngtlai leh Chawngte ah Helicopter Test Landing hlawhtling taka neih a ni.

Khawawmdan in a zirloh vanga Test Landing neih theih loh a nih hnu ah Mizoram a Helicopter Service tur Pawan Hans Helicopter chu nimin chawhma dar 11:42 khan Lawngtlai Helipad ah hlawhtling tak in a tum chhin a, Helicopter ah hian Saidenga Deputy Controller Civil Aviation Wing chu rawn chuangin Lawngtlai DC aiawhin H.Lalrammuana ADC in lo dawngsawngin Police leh Fire Service lam te pawh an awm bawk. Lawngtlai DC Office atangin Helicopter Service tur Ticket hi lakchhuah theih a ni dawn a, Ticket leh thilpawimawh thenkhat te Pu Saidenga hian a pe nghal a ni. Ruahmanlawk ang chuan kar khat ah vawi thum Thawhtanni, Nilaini leh Zirtawpni ah te Lawngtlai hi he Helicopter Service hian a tlawh dawn a, Aizawl leh Lawngtlai inkar mi pakhat chuanman chu Rs.2500/- a ni dawn a ni. Lawngtlai Helipad tichangtlung turin Sorkar lam chuan hma an la mek bawk. Nimin vek khan Chawngte ah pawh hlawhtling takin Test landing hi neih a ni niin, CADC a CEM Pu Kali Kumar Tongchongya, Nirupam Chakma MLA bak ah Sorkar mipawimawh ten an lo dawngsawng. Chawngte leh Aizawl inkar chuanman hi Rs.2250/- a ni dawn a ni.

The Lawngtlai Post

Lalngheta Ralte (Ma-Ngheta) Electric Veng, Lawngtlai , Lawngtlai Dist. Phone: 9862843773 e-mail:lalnghetaralte@gmail.com

Post a Comment

Previous Post Next Post