Lai DYCC ten Gen.Hqrs.Hruaitute nen Meeting an nei

Nimin khan Lai Dist Youth Congress Committee leh Gen.Hqrs.Aizawl hruaituten Meeting, LaiDCC Office ah an nei a,He Meeting hi Pu R.Lalsangzuala,President LaiDYCC in a kaihruai a,MPYCC Hqrs lam atang hian President C.Lalawmpuii leh John Halliday. Gen.Secretary Lai District bialtu te leh hruaitu dangten thu sawina hun an hmang a,Tunlai Khawvel changkang chho zelah hmasawnna in a ken tel Internet hmang tangkai turin leh Party chakna tura kan Sawrkar hnathawhte a tam thei ang ber pho chhuah thin hi kan mawhphurhna ani tih i hre thar ang u John Halliday chuan a ti a,President C.Lalawmpuii pawhin kalkhawmte hmaah thu sawiin,Chief Minister Pu Lalthanhawla Kaihhruai Congress Sawrkar tha tichak a,Dikna leh rinawmna nen Ram mipuite rintlak a hna thawk tur a sawmin,Congress Party alo than zel nan theihtawpa Sawrkar tawiawm tlat turin a sawm bawk.He Meetingah hian thu pawimawh tak tak in zirtirna leh inhrilhhriatna te neih ani a. August thla chhung ngei in Block leh Unit Thalai te chu inthlan vek tur anih thu leh September thla chhungin District tina hruaitu turte inthlan bawk tur anih thute in hriattir nghal ani bawk.Lai DCC Office a hun hmanzawh hian Circuit House Lounge ah hun hman chhunzawm niin, hetah hian LaiDYCC hruaitute chuan Lai District in mamawh a neih hrang hrang te sawilangin, Gen. Hqrs. hruaitute chu theihtawp chhuah a hma lakpui turin an ngen a,zanriah an kilho nghal.

The Lawngtlai Post

Lalngheta Ralte (Ma-Ngheta) Electric Veng, Lawngtlai , Lawngtlai Dist. Phone: 9862843773 e-mail:lalnghetaralte@gmail.com

Post a Comment

Previous Post Next Post