LADS ten ruihhlo Cheng Nuai 25 chuang hu an man tawh

Inrinni khan CYLA hnuai a Ruihhlo Do tur a din Lairam Anti Drugs Squad ten ruihhlo an mankhawm te, CYLA Office bul ah halral a ni ,Ruihhlo halral hun hman hma a Central YLA Office a inkhawm tawi buatsaih, Pu V.Thangzova YLA Kumpuan Chairman kaihhruiai a neih ah he hun hmanpuitu LADC a Executive member Pu V.Zirsanga Central YLA President lo ni tawh chuan ruihhlo do kawng a YLA hmalakina chu chhuanawm a tih thu sawiin, laifate hnam anga dinchhuahna tur a thil pawimawh tak chu thalaiten ruihhlo an hnualsuata, an bansan a, harhfima hmalam hun uluk taka an duanlawk a tul a ni a ti. Central YLA President Pu L.Z.Tluanga pawhin thusawiin, ruihtheihthil do chu thil hautak tak, mite huat leh sawisel hlawhna ni mahse, YLA chuan a bansan thei lova, huaisen takin a do zel dawn a ni a ti a, ruihhlo do chu sum leh tha heh tak a nih vangin hemi kawnga YLA hmalakna chu tawiawm a, mahni theih tawk theuh ah ruihhlo do nan tanla turin mipuiite a sawm. He hun ah hian Lairam Anti Drugs Squad lam chuan report pein, kumin May thla atanga ruihhlo chi hrang hrang an mankhawm tawh chu tualchhung rate a chhutin cheng Nuai 25 sing 8 sang 6 za sawmriat ( Rs.25,86,180/=) a nih thu an sawi a heng bakah hian ruihhlo siamna hmanrua thahnem tak, a hlut zawng chhut chhuah loh a awm bawk, an ruihhlo man zing ah Zawlaidi bur 40 telin, hemi chungchang hi sawifiahin zawlaidi chu Mizoram hmundang ah sawrkiar in thlah zalen mahse, thalai ten ruihhlo dang tih nan chhuanlam ah an hman thin vangin Lairam Anti Drugs Squad te chuan ruihhlo dang nen angkhat a a ngaih vanga man an nih thu an sawi.

The Lawngtlai Post

Lalngheta Ralte (Ma-Ngheta) Electric Veng, Lawngtlai , Lawngtlai Dist. Phone: 9862843773 e-mail:lalnghetaralte@gmail.com

Post a Comment

Previous Post Next Post