Nimin khan SSA, BRC Hall ah World Vision, India CADP,Lawngtlai leh Lawngtlai District Kohhran hruaitu Committee tangkawpte buatsaihin, thawhhona tha zawk neih a nih zel theih nan Kohhran hruaitu te leh World Vision a thawk ten Meeting an nei He Meeting hi Pu Meren Nampui Programme Manager World Vision, CADP chuan a kaihruai a, World Vision India CADP ten mipui tana tangkai hna an thawh tlangpui Pu H.L.Rinawma SOC, World Vision, India chuan a sawi a, Pu Wungmaya, Programme Quality Manager Guwahati chuan Hmarchhak bial chhunga World Vision te hmalakna chi hrang hrang a sawi bawk. Hemi hnu hian Pu Maren Nampui chuan Meeting a tel ten hriatthiamloh an neih an zawhna chhangin World Vision in hmachhawp an neih leh hmalakna an kalpui mek te chipchhiar takin a sawifiah bawk.. Pu Vinod Rasaily, Church Relations Officer hnen atangin Kohhran te nen a thawhhona tur a ruahmanna neih te leh hmalakdan leh hmalakmek te a sawifiah bawk. He hun ah hian zawhna leh chhanna hun hlawk taka hman a nih bak ah Pathian fak a inhlantharna hun pawh hman a ni bawk. He Meeting hi Lawngtlai District, Saiha District leh Lunglei District chhung a World Vision CADP ten an huamchin chhunga Kohhran hrang hrang a Pastor te tan a buatsaih niin, he hun a tel te hian an hlawkpui viau niin kan hria