Vawiin hi TKP Day vawi 61-na a ni a. Hemi ni hi Mizoram pumah TKP member ten an hmang dawn . MTKP chuan Day hmandantur kaihhruaina a siam.Thalai Kristian Pâwl hi, July 30, 1951, zan 7:00 ah Missionary te leh Upa Committee aiawhte kaihhruaina-in Serkawn Sikulpui (Middle School)-ah din a ni a. Thalai Kristian Pawl tih hming hi BMS (Baptist Missionary Society) Missionary zinga pakhat, Mrs. F.J.Raper phuah chhuah a ni. TKP Day hi Lawngtlai ah pawh Programme hrang hrang nen hman tum niin, midang tana tangkai tur zawngin Day hi Unit ten hman an tum.