Pu Hmunhre-an Chanchinbumite kawmin Sorkar hmalakna hrang hrang a hrilh

Pu Hmunhre LADC  a Planning & Development a  Vice Chairman chuan Tun hnaia Sawrkar mi pawimawhte kawm a Delhi an kal chungchangah Thuthar thehdarhtute nimkin chawhnu khan a Chamber ah a kawm a,Pu Hmunhre chuan tun tuma an zin chu hlim taka an lo haw thu leh beiseina sang tak an neih thu a sawi a,Direct Finance chungchanga Central mi pawimawhte an dawr naah thataka an lo dawn sawn thu a sawi. Ajay Kanoujia,Dy.Secretary. Ministry Of Home Affair an kawmna ah 6th Schedule hnuaia District Council te  Direct Finance chungchangah Planning Commission leh Finance Ministry ah lehkha kaltir mek anih thu sawiin, Planning Commission lamin Plan Fund reng reng Direct a pawisa pek a harsat loh thu Pu Ajay Kanoujia chuan a sawi niin Pu Hmunhre chuan Press mite hmaah a sawi a,
Finance Ministry a Secretary Sumit Bose pawh an hmuh thu sawiin,District Council nih vanga Direct Finance hmuh a har thu leh U.T emaw State emaw tan a harsat loh thu a lo sawi thu te,Direct a sum an hmuh dan tur kawng an dap mek thu a sawi niin Pu Hmunhre chuan a sawi bawk.Joint secretary Finance) Rajiv Kumar a pawh an hmuh thu sawiin ani chuan Tun Monsoon Session ah an putluh hman a beisei thu alo sawi chuan beiseina sang tak an neih thu a sawi a.Pu Hmunhre chuan thuthar thehdarhtute hmaah sawiin Central atang a sum an hmuh Special Project Assistant atangte,13thFinance Commission atangte Agriculture leh Minor Irrigation atan a hman tur sum an dawn hmanna turte a sawilang bawk a,heng sum an hmuhte hi anih tur ang taka hman anih dawn thu sawiin LADC area a Minor Irrigation leh Agriculture lamah lo neitute tan hlawkna tam zawk an hmuh ngei theih nan Agriculture leh   Minor irrigation atana Sum hmuh Rs Nuai 220  chu hman         anih dawn thu a sawi a.13th Finance Commission atanga an sum hmuh Rs Nuai 300 chu CEM Office sak nan te,LADC Hall sak nan te,EM Qrts. sak nan te hman anih tur thu leh Special Planning Assistant atanga an sum hmuh Rs Nuai 487.52 chu Office ,Rest House,Boxing Hall sak nan leh Kawng siam nan te,Lai House,Aizawl ami sak belh nante hman anih tur thu a sawi bawk.

The Lawngtlai Post

Lalngheta Ralte (Ma-Ngheta) Electric Veng, Lawngtlai , Lawngtlai Dist. Phone: 9862843773 e-mail:lalnghetaralte@gmail.com

Post a Comment

Previous Post Next Post