Tun Sorkar kum chhung a a tumkhatna atan Lawngtlai District chhung a Rural Development Block pali Lawngtlai, Sangau, Chawngte leh Bungtlang South RD Block huam chhung a Job Card neite te chuan tun sorkar kum chhung a a tumkhat nan Ni 15 chhung inhlawhfakna an nei mek a, tun tum ah hian kum kalta lam a thingtiak phun tawhte enkawlzui hna thawkin, a samfai leh thingphun thi te a thar a thlak bak ah thing tiak dang phun belh in hna an thawk mek ani.
Lawngtlai District chhung a RD Block pali a Ni 15 chhung inhlawhna tur atan hian Cheng Vaibelchhe nga, Nuai sawmparuk, singhnih sangruk zahnih sawmriat ruahman a ni. Lawngtlai RD Block bik ah Chhungkua pakhat in thing tiak 24 phun belh tur a tih niin, tihian Lawngtlai RD Block bik a thingtiak phun thar tur chu Nuai hnih sangruk zahnih sawmriat a ni.