Lawngtlai leh Lunglei inkar kawng chhia siam

Lawngtlai leh Lunglei inkar kawng chu Tunlai hian Motor tan pawha kal hrehawm khawpin a chhia a,he kawng National Highway 54 hi a chhiat em avangin Nimin piah July 25 leh nimin July 26 khan Lawngtlai to Lunglei Sumo Service Thateii Sumo Driver te leh Passenger te chuan Kawngsiam hna hi an theih ang ang in an thawk a,helaia zin vei vak ten fakawm an tih thu kan dawng.He kawng National Highway 54 chungchang ah hian Kumin May 25 khan Central YLA hruaitute leh MJA Lawngtlai te chuan he Kawng siam tura Mizoram Sawrkarin a thlan Bengal Prakalpa Private Ltd.Kolkatta te inkhuarna Thingfal leh Thingkah inkar a mi chu an tlawh a,
He Company a thawk Work Manager chu hmu in,Hna an thawh muan lutuk avanga harsatna an tawh te sawipuiin, Chak zawka hmala turin an lo ngen tawh nghe nghe ani. Hemi tum hian Company lam chuan hna an thawh ve reng thu leh harsatna an tawhte an lo sawi ve bawk ani.Heti lai kawng siam tura Sawrkarin a thlan Bengal Prakalpa Pvt.Ltd te hian Kum thum kalta ah khan hetilai hmunah hian anlo in kulh tawh a,mahse hna thawk tak tak silo in kum 2 dawn an awm a.Tunah pawh hian an hnathawh hmuh tur a tam lo hle ani.A hria ten an sawi danin Pawisa lama harsatna an tawh avangin he hna hi thawk lo in an chhuahsan dawn ni pawhin an sawi nghe nghe ani.Hetiang anih chuan Helai Kawng hi engtikah nge a that tak ang tih hi ngaihtuah thiam a har hle tawh niin an sawi bawk ani. Central YLA hruaitute chuan helai kawng siamtu turten hna an thawh chak loh thu hi Chief Minister hnenah ziaka an lo thlen tawh bawk a ni.