Home Department in raltlan chungchanga thuchhuah a siam, hrilhfiahna a siam.

Ni 17. 7. 2012 (Tue) 2:00pm khan Home Minister, Mizoram hova Home Department   officer-te thukhawm   chuan NC Hills-a Lungreng khua, ni 14. 10. 2011-a hal a nih avanga raltlante enkawl dan tur thupek Home Department-in DC-te hnena dt. 25. 10. 2011-a chhuah chu ennawn a ni a. He thupek chhuah hi India rama Internally Displaced Persons (IDPs) hote enkawl dan, Standard Operation Procedures (SOPs) anga siam a ni a.
He buaina avanga Mizoram-a rawn lutte hi Hmar hnamte an nih tlangpui avangin Hmar hnam anga thupek hi chhuah a ni chauh zawk a ni. Hei hi hnam bil bik hmer tumna ni lovin Mizoram-a ral avanga rawn tlan lutte reng reng a huam vek a, ‘Hmar hnam’ tih hi paihin Sawrkar thupek lo chhuah tawhte pawh tihthat nghal a ni .He thupek avanga hnam rilru     hliam a awm a ni tih a hriatin, Mizoram Sawrkar chuan pawi a titakzet     a, Mizoram hi Zo hnahthlakte tana Inpui    a ni tih hi Mizoram Sawrkar chuan a din nghehpui tlat a ni.

The Lawngtlai Post

Lalngheta Ralte (Ma-Ngheta) Electric Veng, Lawngtlai , Lawngtlai Dist. Phone: 9862843773 e-mail:lalnghetaralte@gmail.com

Post a Comment

Previous Post Next Post